LÓA – Bætt líðan eftir áföll

Lóu rannsóknin heitir eftir vorboðanum lóunni

og er markmið hennar að kanna hvort einfalt inngrip geti dregið úr áleitnum minningum eftir áföll og þar með haft mikilvæg áhrif á líðan og lífsgæði fólks til betri vegar. 

Margt fólk upplifir einkenni áfallastreitu eftir áföll sem hafa mikil áhrif á líðan og lífsgæði þess. Eitt helsta einkenni áfallastreitu  eru áleitnar minningar, eða minningar um áfallið/áföllin sem eru óvelkomnar, vekja sterkar tilfinningar og koma óvænt upp í hugann. Aðgengi fólks að sálrænni meðferð við áfallastreitu er því miður takmarkað og er eitt markmið rannsóknarinnar að auka slíkt aðgengi og þróa einfaldari lausnir til að takast á við þennan alvarlega vanda. 

Rannsóknin fékk leyfi Vísindasiðanefndar og var tilkynnt til Persónuverndar. Farið er með allar upplýsingar sem þátttakendur veita í rannsókninni samkvæmt ströngustu reglum um trúnað og nafnleynd.  

HAUST 2026 – Gagnasöfnun lokið 

Þátttakendur rannsóknarinnar komu úr hópi kvenna sem tóku þátt í langtímarannsókninni Áfallasögu kvenna árin 2018-2019 og í eftirfylgnarrannsókn árið 2024. Forrannsókn Lóu rannsóknarinnar lauk haustið 2022 og hófst aðalrannsóknin haustið 2023 og lauk skimun þátttakenda í rannsókina vorið 2026. Gagnasöfnun fyrir rannsóknina lauk formlega í september 2026. Úrvinnsla gagna er hafin og verða greinar með niðurstöðum hennar birtar á þessu vefsvæði þegar að því kemur. 

RANNSÓKNARTEYMIÐ

STUÐNINGSAÐILAR

HAFÐU SAMBAND